關於谷古

係距離地球6160百萬公里外，有一個叫“猩李兩巴”嘅星球。

星球上住左好多粉紅色嘅猩猩，係呢一班猩猩入面，就有一隻叫谷古嘅猩猩，佢有一個好似超級撒亞人嘅髮型，好中意浸溫泉嘅習慣，同一顆對水果嘅執着嘅心。

時間一日一日咁過去，谷古先生開始覺得悶，食黎食去都係香蕉，所以係佢決定要離開“猩李兩巴”星，去到地球上嘅日本各地走一轉，去搜羅唔同種類、唔同品種嘅水果食。食下食下，谷古先生突然覺得淨係自己一個食啲咁好食嘅水果好悶，好想同更加多人分享呢啲咁正嘅水果。

於是，谷古先生打開地圖搵到底去邊個地方分享呢啲咁正嘅水果好，望下望下，就決定去香港啦！最後谷古先生決定係2020年嘅12月進駐黃埔，開左“黃埔洞”。除左每一日為大家提供最時令嘅水果之外。同時，谷古先生每一晚都係機場直接將時令水果運到去 “黃埔洞”，希望俾更加多人可以以一個最實惠嘅價錢，食到最時令最新鮮嘅水果。